Myen hpyen dap ni kawn April (25) ya shani KIA Masat (1) Dap Ba Daju, Masat (4) Dap Dung de jet nbungli hte sa htim gap ai hpang April (26) ya shani kawn KIA Masat (4) Dap Dung hte Masat (10) Dap Dung ginra de htu shadut lung wa ai majaw gasat gala matut manoi byin nga ai lam chye lu ai.
April (26) ya jahpawt hkying (9:00) Am kaw nna hkying (11:30) Am laman Myen hpyen hpung ni deng (16) Zup Mai Yang maga hku htu shadut lung wa ai majaw KIA hpyen hpung ni hte gasat gala byin ai rai nna dai shana hkying (9:25) Pm daram hta deng (18) Bung Swi Yang kaw num daw kalang bai gasat gala byin ai re hpe shawnglam shi sawk ni shana wa ai kaw na chye lu ai.
www.kachinnet.net
