Sadung Ginwang, Waimaw hte Sadung lapran na Langna Hka Rum Wunli mahkrai gaw Dec 14 ya shani hkying(11:30)daram hta daw agrawp ai mat ai majaw hkawm sa hkaw wa mung shawa ni yak hkak hkrum nga ma ai lam chye lu ai.
Mahkrai daw mat ai majaw Mung masha ni lai wa lai sa yak hkak nga ai raitim hkringhkra gan lai na mahkrai galaw ya ai lam mung n nga ai re.ya ten Mung masha ni Hkarum makau hkrai noi hku lam hkawm lai ai hta Cycle hpe gaw htu shalai nna masha langai kys 500 jaw nna lai ra ai re hpe chye lu ai.
Ya na zawn mahkrai daw mat ai majaw hkawm sa hkawm wa yak hkak hkrum nga re. Daw agrawp ai Wunli mahkrai gaw mahkrai ka-ang hpe madi ya ai shadaw n nga ai sha n-ga Gun rai htaw modo, N hprang htaw modaw ni Langu si htaw modo ni mung hkrup mara lai ai majaw daw mat na masa nga ai lam seng ang ai ni maram da ai re.
Langu si dan la ladaw re majaw mahkrai hpe lawan ai hku gram lajang sa wa na re hpe na chye lu ai raitim Galoi kaw na gram hpang na hpe gaw tup hkrak n chye lu shi ai re, Dec shata htum shing nrai January praw de hkawm sa lu hkra galo sa wa na lam masing nga ai hpe na chye lu ai. n dai mahkrai gaw Sadung, Kanpaiti, Miwa de mung malu masha htaw gin len ya ai mahkrai kaba re majaw grai ahkyak ai mahkrai re hpe Slg Mahkaw Hting Nan shana la ai kaw na chye lu ai.
Waimaw,Sadung lam gaw shani shagu n hprang htaw modaw, gun rai hpring hpring re ai modo ni lai ai sha n-ga Langu si modo kaba ni mung ding yang lai nga ai hpe seng ang ai ni kawn atsawm gawn hkang ai lam n nga ai majaw ya na zawn mahkrai daw htan mat ai re lam chye lu ai.
