KIO Ginjaw Laiza Muklum kaw KIO Ginjaw Komiti Tingnyang Up. Du Daju Jum Nban La hte Shawnglam Mung Masa Jasat Hpung (SMJH) Salang ni woi awn nna Wunpawng amyu sha ni a Myithkrum Kahkyin Gumdin lam hte Simsa lam tam ai Zuphpawng hpe January shata 16 ya shani kaw nna galaw nga ai lam na chye lu ai.
Zuphpawng hta Mare buga na Kanu Kawa ni, amyu sha htunghking lam hta myit lawm ai labau sara ( Kanu Kawa) ni marai 100 grupyin sa du shanglawm ai lam na chye lu ai.
(Zuphpawng hta Wunpawng amyu sha ni a amyu baw sang lam, htunghking ginru ginsa lam hte Mungdan simsa lam tam sa wa na ngu ai ga baw ni hte bawngban ai re lam chye lu ai.)
