Putao ginwang, Lung Zut mare na hpyen yen mung mare masha ni hpe K.B.C bawngring ni, UNHCR, ni hte ginwang Hka-Lup hpung ni garum ningtum jaw ya nga ai raitim hpyen yen ladaw na wa ai majaw garaum ninggtum lam amyu myu bai ra kadawn wa nga ai lam chye lu ai.
Hpyen yen ladaw na wa sai majaw dum nta dingsa wa sai, Nawku Jawng mung n lu ai, lai wa sai ten ni hta gaw n-gu malu masha ni law sha ai raitim ya gaw garum ningtum ni mung yawm wa ai, ja gumhpraw malu masha ni mung yak hkak nga ai lam Rev. Nyat Tu Ja tsun ai.
Hpyen koi yen nga ai mung mare masha ni gaw Nhka Ga, Bagan Yang, Nhpyi Yang mare hkan na mung mare masha htinggaw 60 jan nga ai rai nna, mung mare masha ni gaw hpyen masa, mung masa hpe maram yu yang shim lam nnga ai re majaw garai n lu wa shi ai re lam shi sawk kareng htoi san tang madun da ai.
