Kuthkai Hpyen yen Camp (2) na Slg.N hkum Zau Tawng hte Lahpai Zau wawm Yan hpe Nov 26 ya shani myen hpyen dap Hk.L.Y (45) Dap ni kawn Rim woi mat nna Adup Zingri ai lam galaw ai re hpe chye lu ai.
Dai salang yan gaw Buga Hpung Ta Din Ginsup Shingjawng lamang nga ai majaw Man Ping mare de sa shaman na matu sa wa ai lam kaw myen hpyen dap HK.L.Y (45) Dap ni kawn Rim woi mat nna San Jep Adup Zingri ai lam Adup Zingri ai majaw Hkum hkrang kata kaw Hpa byin ai hpe chye lu na matu Tsi rung de sa madun ra ai nga lam Buga masha langai ya na zawn tsun ai.
Slg yan gaw Hpyen yen dabang kaw na re lam Mare Uphkang salang ni kawn tsun ya ai majaw Nov 26 ya shana maga Hkying 5:00 PM aten daram hta bai dat ya sai lam,Ya aten Sam mung ginra hta TNLA,SSPP/SSA pawng hpawm hpyen hpung ni hte RCSS/SSA hpyen hpung ni gasat gala majan byin ai sha n-ga Myen hpyen dap Tatma (99) hte Hk.L.Y (45) Dap na Hpyen hpung ni mung mung mare masha nga ai mare kahtawng Makau hkan shamu shamawt nga ai majaw mung mare masha ni yi sun hkau na galaw lu galaw sha yak nga ai lam, Mare Uphkang slang ni kawn mung shana aten hta shinggan de Pru hkawm ai lam n galaw na matu tsun da ai lam nga ai hpe Shi sawk Sinpraw tang madun da ai.
