Majan lapran chyat rawng nga ai Hpyen yen mungshawa ni lawt pru wa lu na matu n’gun madun woi awn ai Sr/n marai (3) hpe Myen Asuya tara Rung kawn ntara ai hku amu dawdan ai hpe hpyen yen mungshawa ni hte rau kalang bai n’gun madun ai Srn Sut Seng Htoi, Sr Seng Awng Hkun, Sr Brang Mai ni hpe Myen Asuya kawn amu hpaw da ai majaw Dec. 10 ya shani tara rung lung ai lam chye lu ai.
Srn Sut Seng Htoi, Sr Brang Mai, Sr Seng Hkun Awng ni hpe Pukma (19) hte amu shawk shaw da ma ai lam, dai ni na tara Rung lung ai lam hta tara ra maga hpe Jep Joi ai lam rai nna Pahkam jaw ya sai lam ndai amu hpe tara rung kawn jep sagawn ai hta anhte maga sakse madun nna tara rung kawn dawdan ai hta she hkan na re lam tara kasa Doi Bu tsun ai kaw na chye lu ai.
Chyat rawng nga ai hpyen yen mungshawa ni lawt na matu n’gun madun ai hta woi awn ningbaw ai ni hpe Myen Asuya tara rung kawn amu dawdan ai ntsa kadai mung nra sharawng ai majaw du sa ai ni yawng Myithkrum nna galaw sa wa ai re lam anhte ni gaw kade a ahkaw ahkang hpe ma ahtu hkra shangun ai lam n nga sha jaw ang ai hku galaw ai re majaw tara rung kawn jep sagawn wa tim mara nnga ai ngu sha tsun na lam Srn Sut Seng Htoi kawn tsun ai.
Ndai amu hte seng nna Dec. 13 ya shani kalang bai tara rung lung na re hte dai shani hta tara hkam ni a sak se ni hpe jep joi sa wa na re hpe chye lu ai.
