Ginjaw hpaji dap hte Mai Ja Yang Institude Of Education MIED a hpaji masing masa Strategic Plan jahkrup bawngban hpawng hpe sinpraw ginwang ginjaw MIED kaw Dec.24-26 ya shani du hkra galaw ai lam chye lu ai.
Ya na zawn bawngban hpawng galaw ai gaw, jawngma ni a sharin achyin kung kyang lam hte MIED jawng kaw na jawng ngut mat nna ta tut magam gun hpai nga ai shayi shadang ni a masa ni hpe maram yu nna shan hte a ra rawng gawngkya ai lam ni hta madi shadaw lu na matu hte jawng a shawnglam rawt jat lam ni hte seng nna ginjaw hpaji dap hte jahkrup bawngban ai re lam MIED Jawng Up Srkb La Raw tsun ai.
Bawngban hpawng hta Ginjaw Hpaji Dap A Hpaji Du Srkb ni hte rau shanglawm ai sr/srn ni marai 22 re hte Matut nna du wa na 2019 shaning Jan. praw (3) ya shani kaw nna shata kru wunkat hpe mung hpaw sa wa na re lam, dai wunkat hta numdaw mi kaw jawngma marai (40) lu hka ja shanglawm na re hpe mung na chye lu ai.
