Sadung Ginwang,Wai Maw hte sadung lapran na Lanan hka mahkrai daw agrawp mat ai majaw hkring hkra mahkrai kaji galaw da ai hta Dec.(19) ya jahpawt daw marang htu wa ai hpang hka kaba wa nna dai mahkrai mung yawng lawm mat ai re hpe na chye lu ai.
Ya aten Mahkrai yawng lawm mat sai majaw Modo nmai lai ai rai nna,mahkrai lahta lam kaji langai hku sha Cycle hte masha ni lai hkawm nga ai re hpe buga masha ni shana wa ai.
Lanan hka mahkrai gaw Dec.(14) ya shani company ni a nhprang htaw Modo langai mahkrai ka-ang kaw du ai hpang daw agrawp mat ai re ,dai mahkrai hpe galoi aten kaw na she bai gram hpng na hpe nchye lu shi ai hte hkring hkra lai na matu galaw da ai mahkrai kaji mung lani mi sha naw jai lang yang hka hta yawng lawm mat nna buga masha ni hkawm sa hkawm wa yak hkak hkrum nga ai hpe na chye lu ai.
