KIA Masat (9) Dap Ba, Masat (44) Dap Dung Ginra, Kamaing Ginwang Lawa Pa, Mada Bum kaw nga ai Myen hpyen dap Hk.M.Y (111) kata na hpyen hpung ni Dec (3) ya shani hkying (1:00) pm daram hta KIA hpyen hpung ni shara jahkrat nga ai Gwi Htun Bum maga de laknak kaba (10) lang jan gap bun nna htu shadut htim gasat lung wa ai majaw KIA hpyen hpung ni hkap shingla gasat dat ai kaw gasat poi byin ai lam na chye lu ai.
KIA Masat (4) Dap ba, Masat (34) Dap Dung ginra Wan Na mare kaw sa du shara jahkrat nga ai RCSS/SSA hpyen hpung ni hpe Dec (3) ya jahpawt hkying (7:00) am daram hta TNLA hte SSPP/ SSA pawng hpawm hpyen hpung ni sa htim gasat ai kawn gasat poi byin ai lam na chye lu ai.
