Majan a majaw chyat rawng nga ai mung mare masha ni lawt wa lu na matu hte jinghpaw mung kaw byin nga ai majan ni shazim kau ya na matu simsa ai ladat hte n-gun madun woi awn ai sr/n marai 3 hpe Dec. 7 ya shani tara aming jahkrat sa na re lam na chye lu ai.
Tara Rung kawn dawdan wa mai ai aming hte tara kasa ni matut galaw sa wa na lam ni hpe tara kasa Lamung Seng Tu ya na zawn tsun dan ai.
” (ဒဏ္ေငြ500), ( ဒဏ္ေငြ 1000), ( ဒဏ္ေငြ 50000). htawng dam 1 ning mi, htawng dam 2 ning, htawng dam 3 ning kaw na langai ngai rai na re, dai amu kaw na n lawt yang mung lahta de Upade ahkaw ahkang hpe jai lang na lahta de bai lung na re lam tara kasa ni tsun ai.”
Sara / Saranum ni gaw mara n lu ai sha tara jewat hkrum ai re majaw tara shawk shawn ai ni shut ai ngu mu ai hte shanhte 3 kaw mara n nga ai lam matut tsun dan ai.
“shanhte marai 3 gaw mara n nga ai re, hpa majaw nga yang mung shawa ni a matu garu ai mung shawa na matu tsun ai ngu hpe gaw tara nmai htawt la ai, tara Upade hta gaw raitim mung, tara agyi wa gara hku dawdan na re gaw n chye ai”
Sr Zau Jat, Sr Lum Zawng hte Srn Nang Pu ni hpe Myen Hpyen Dap kawn mungdan sari ahtu hkra shangun ai mara amu pukma 500 hte lai wa sai Sep 3 ya shani kaw nna tara shawk shawn da ai re , Dec. 7 ya shani amu dawdan na matu masat da ai, raitim dai shani byin na kun n chye lu shi ai nga nna tara kasa ni tsun ai hpe shi sawk kareng htoi san tang madun da ai.
