Hpyen Majan lapran hta pat shingdang da hkrum ai Lainawng Hku hte kaga shara hkan chyat rawng nga ai hpyen yen mung masha ni lawt pru wa lu na matu, Ramma n gun hte lam amyu amyu hku nna woi awn galaw lai wa ai, Sara Lum Zawng hte Saranum Sut Seng Htoi yan hpe ပုဒ္မ ၁၉ hte May (5) ya shani ျမစ္ႀကီးနားၿမိဳ႕နယ္ရဲတပ္ဖဲြ႕မွဴး hku nna, Tara Rung de shawk shawn da ai lam na chye lu ai.
Ndai manghkang hte seng nna Sara Lum Zawng hte Saranum Sut Seng Htoi yan May (8) ya shani Myitkyina Myoma Balik Dap de sa du nna mabyin masa lam hpe hparan jasan lam galaw ai, Tara Rung kaw nna mung marai langai Ks. 30,000 hpra dam kayet nna amu mahkang hpe shakre da lu sai lam Sara Lum Zawng tsun dan ai kawn chye lu ai.
Myen Hpyen Dap ေျမာက္ပိုင္းတိုင္ kaw nna mung ndai Ramma Komiti hta woi awn shang lawm ai marai (3) hpe rim ahkrak la na lam ndau da ai hpe na chye lu ai.
Myen Mung Asuya Balik Dap kaw nna, Jinghpaw Mung kata hpyen majan a majaw Chyat rawng nga ai mung masha ni lawt pru wa lu na matu, lam amyu amyu hku nna lam tam shamu shamawt woi awn galaw lai wa ai marai (13) hpe tara jewat ahkyak la tawn ai lam hpe mung matut na chye lu ai.
